Magbantay sa mga Hulga sa Pagkausa ug Pagkahiusa Nato

Download

Ang pahiuli sa Ginoo pagpahiuli man sa pagkausa sa Lawas ni Cristo. Tungod sa pagkausa makapahimulos ang katawhan sa Dios sa gisugo Niya nga panalangin sa kinabuhi (Sal. 133). Mausa ngani ang katawhan sa Dios, dunay paagi nga matukod ang Lawas ni Cristo. Niingon si Brother Lee:

“Aron matukod ang Lawas, gikinahanglan ang pagkausa….Tungod kini kay usa ra man ang Lawas ni Cristo ug usa ra sab ang bag-ong tawo; sa ato pa, duna ray usa ka Lawas ug usa ka bag-ong tawo. Bug-os nga maamgohan diha sa Espiritu ang kadato ni Cristo, nga magpalugwa sa Lawas ug sa bag-ong tawo. Usa ra ang Lawas ug usa ra ang Espiritu (v. 4), busa ampingan gyod nato ang pagkausa. Kon madaot ang pagkausa, mawala ang pagtukod. Bisan pag labing maayo ang pagpahimulos nato sa kadato ni Cristo, kon mawad-an ta sa pagkausa, dili gyod matukod ang Lawas.”

(The Greatest Prophecy in the Bible and Its Fulfillment, Ch. 4)

Sa laing bahin, niingon si Brother Lee nga may kalabotan sa kakulang og pagkausa ang tanang problema sa iglesia (The Church as the Body of Christ, Ch. 12). Kay mahinungdanon man kaayo ang pagkausa, ang usa sa mga estratehiya ni Satanas batok sa iglesia mao ang pagbahinbahin niini (Satan’s Strategy against the Church).

Ang Buhat sa Kaaway sa Pagbahinbahin

Sa tanang nilabayng siglo, nagbuhat si Satanas aron dili mausa ang katawhan sa Dios. Nagsugod kini sa Babel ug nagpadayon sa tibuok kasaysayan sa mga anak sa Israel, labi na gyod sa pagtukod ni Jeroboam og mabahinbahinong mga sentro sa pagsimba tungod sa iyang ambisyon (1 Hari 12:25-33). Nagpadayon kini sa panahon sa Bag-ong Tugon, ingon sa gipamatud-an sa mga pagbahinbahin ug mga pundok sa iglesia sa Corinto (1 Cor. 11:18-19). Kini ang buhat sa kaaway aron mapugngan ang pagtukod sa Lawas ni Cristo.

Nagbuhat gihapon karon kining prinsipyo sa pagbahinbahin. Sa kalibotan, dili nato makita ang pagkausa sa daghang sitwasyon. Naa sa tanang dapit ang pagbahinbahin—sa mga nasod, sa politika, sa negosyo, sa mga tunghaan, ug bisan ngani sa mga pamilya. Makita sab nato sa Cristianidad ug diha sa mga magtutuo ang pagkabahinbahin.

Magbantay sa Mga Hulga sa Pagkausa

Isip mga tawong alang sa pagtukod sa Lawas ni Cristo, magmasingkamoton gyod ta sa pag-amping sa pagkausa sa Espiritu (Efe. 4:3). Kon wala kini, dili gyod nato maaplikar ang ubang bahin ning seksyona sa Balaang Pulong. Dili ta mahingpit sa mga gasa nga gihatag sa Ginoo sa Iyang Lawas (v. 12), dili ta modangat sa pagkausa sa pagtuo (v. 13), dili ta motubo ngadto ni Cristo sa tanang butang (v. 15), ug dili ta matukod nga Lawas ni Cristo pinaagi sa pagsangkapay sa mga bahin (v. 16). Masingkamoton gyod natong bantayan ang mga hinungdan sa pagkabahinbahin, nga dili tingali mamatikdang maugmad sa sulod nato. Kalabot niini, susihon nato ang pipila ka sanglitanan sa Biblia ug sa kasaysayan nato aron makat-on ta.

Ang Upat ka Hinungdan sa Pagkabahinbahin

Sa Truth Messages, upat ka hinungdan sa pagkabahinbahin ang naila: pagkakalibotanon, ambisyon, pagtuboy-sa-kaugalingon, ug mga opinyon ug mga hunahuna (cap. 5). Kini ang mga hinungdan nga nakapabahin sa mga tawo. Kay naa man nato kining mga butanga, sa atong kaugalingon dili gyod ta mausa.

Ning mga butanga, gihisgotan ni Brother Lee nga ang ambisyon maoy unang natagong “mangungutkot” nga makadaot sa pahiuli sa Ginoo (Pulong sa Gugma alang sa Mga Masigka-magbubuhat, Mga Anciano, Mga Nahigugma, ug Nagtinguha sa Ginoo, cap. 3). Sa Daang Tugon, nagtukod si Jeroboam og mabahinbahinong mga sentro sa pagsimba kay nahadlok man siya nga mawala ang iyang gingharian kon mosimba didto sa Jerusalem ang mga sakop sa napulo ka banay. Samtang dili tingali ta magtukod og kaugalingon natong grupo o sekta sama sa gibuhat ni Jeroboam, nangambisyon tingali ta nga malider o maanaa bay kaugalingon natong magsusunod. Niingon si Brother Lee:

““Ambisyon sab tingali nimo nga magdanig mga tawo nga mahimong kaugalingon nimong mga masigka-magbubuhat. Danihon, lumayon, ug bihagon tingali nimo ang mga tawo alang ning tuyoa. Nagpasabot kini nga sa buhat nimo sa pahiuli sa Ginoo duna kay pundok nga nabihag, nadani, ug nalumay nimo ang mga suod kaayo nimo. Gidayeg nila ang imong kahimoan, ug gidayeg nila ang imong kapasidad, busa nidapig sila nimo. Mahimo dayon silang kaugalingon nimong mga masigka-magbubuhat. Mga masigka-magbubuhat sila sa kinalapdan, apan kaugalingong mga masigka-magbubuhat sila sa usa ka tawo. Wala ka ba makaamgo nga naa kanang sitwasyona sa pahiuli sa Ginoo? Nakakita ko niini sa kasinatian gyod.”

(Pulong sa Gugma alang sa Mga Masigka-magbubuhat, Mga Anciano, Mga Nahigugma, ug Nagtinguha sa Ginoo, cap. 3)

Ang herarkiya lugwa sa ambisyon, kanang gusto tang molabaw sa uban. Hulog, ginama sa tawo, ang bisan unsang iya-sa-herarkiya o organisasyon, ug supak sa organicong kinaiya sa Lawas.

Dakong hinungdan sab sa pagkabahinbahin ang opinyon. Sa Perfecting Training, niingon si Brother Lee nga ang opinyon maoy tinubdan sa tanang pagkabahinbahin ug kagubot diha sa mga Cristohanon sa nilabayng napulog siyam ka siglo (cap. 3). Sa pagkatinuod, mga lugwa sa nagkalainlaing opinyon ang daghang denominasyon sa Cristianidad. Pagpadayag sa usa ka opinyon ang matag grupo. Sukwahi kini sa pulong ni Apostol Pablo sa Roma 14, diin gisultian niya ang mga taga-Roma nga dawaton ang mga magtutuo segun sa pagdawat sa Dios, dili sa mga hunahuna sa doktrina.

Dili malangkobon-sa-tanan kining upat ka hinungdan sa pagkabahinbahin. Sa The Normal Christian Church Life, gihisgotan ni Brother Nee ang pito ka gidiling sukaranan sa pagbahinbahin, nga dili gyod unta mga hinungdan nga mabahin ang mga magtutuo. Naglakip kini sa espirituhanong mga lider, mga palagianan sa kaluwasan, pagkadili-sekta, mga kalainan sa doktrina, mga kalainan sa kaliwat, mga kalainan sa nasod, ug mga kalainan sa katilingban (cap. 5). Gipakita sab ni Brother Lee kanato nga naglakip sa tanang negatibong butang ang pagbahinbahin, sama ni Satanas, sa sala, pagkakalibotanon, unod, kaugalingon, daang tawo, ug daotang kasuko. (The Genuine Ground of Oneness, Ch. 3). Maluwas gyod unta ta ning tanang hinungdan sa pagbahinbahin!

Ang Natagong Mabahinbahinong Mga Butang sa Nilabayng Kagubot

Gipaila sab ni Brother Lee ang pipila ka mabahinbahinong butang nga nabutyag sa 1989. Nakaingon kini sa kagubot kaniadto, ug angay natong hunahunaon karon. Naglakip kini:

  • Sa tuyo nga mobuhat og kapin nga buhat diha sa bugtong-talagsaong buhat sa pahiuli sa Ginoo
  • Sa hilig nga maglain og mga teritoryo
  • Sa batasan nga dili isagol ang imong buhat sa buhat sa uban
  • Sa tago nga paglaom nga mainila diha sa buhat sa Ginoo
  • Sa kawalay pagtagad kalabot sa pag-amping sa pagkahiusa diha sa pahiuli sa Ginoo

(Pagbansay sa Mga Anciano, Ikanapulong Basahon: Ang Pagkaanciano ug ang Paaging Gitudlo-sa-Dios (2), cap. 1)

Mapasidan-an unta ta batok sa hilig nato nga maglain og mga teritoryo diha sa buhat ug dili isagol ang buhat nato sa buhat sa uban. Usa ra gyod ang buhat nga makatukod sa usa ka Lawas. Bisan nangatiman ang mga magbubuhat og pipila ka aspeto sa buhat tungod sa panginahanglan, dili mahimong ginsakopan nila kanang bahina sa buhat nga kabut-an nila, ug dili pasudlon ang uban. (Regions of the Work and Companies of Workers, Ch. 7). Sa pagkatinuod, nahimong hinungdan sa kagubot kaniadto ang mga dapit nga naglain. Niingon si Brother Lee:

“May mga masigka-magbubuhat nga gusto tingaling mag-independente ang ilang lokalidad o dapit ba sa nasod, ug sa usa ka bahin, maglain. Segun sa kasaysayan nato, sa pagkahitabo niini kaniadto, nigula ang kagubot ning naglain nga mga dapit ug syudad.”

(Pagbansay sa Mga Anciano, Ikanapulong Basahon: Ang Pagkaanciano ug ang Paaging Gitudlo-sa-Dios (2), cap. 1)

Sukwahi niini, bisan sa Bag-ong Tugon, ang buhat ni Pedro nga labi gyong naa sa mga Judio ug ang buhat ni Pablo nga naa sa mga Gentil may kalabotan man sa pagtukod sa Lawas ni Cristo ug alang gyod sa pagtukod sa Lawas ni Cristo. Nakig-ambitay si Pablo sa mga apostol ug mga anciano sa Jerusalem (Buh. 15:2, 4; 21:17-20a), samtang niabot sa Corinto, nga Gentil nga syudad, ang epekto sa buhat ni Pedro (1 Cor. 1:12).

Magbantay sab gyod ta kalabot sa dili pagtagad ug dili pag-amping sa pagkahiusa, nga mao ang pagbatasan sa pagkausa. Sa Efeso 4:2-3, ang pag-amping sa pagkausa may kalabotan sa pagpaubos ug kalumo sa pagtagad sa atong kaugalingon, ug pagkamainantoson tali sa uban ug pagpas-an kanila diha sa gugma. Ang pagpaubos pagpabilin man sa ubos nga pagkabutang, ang kalumo kana mang dili makig-away alang sa kaugalingon, ug ang pagkamainantoson mao ang pag-antos sa pagdagmal (Nota 1). Aron mabatasan kini pas-anon gyod nato ang krus. Kon dili nato pabuhaton ang krus sa sulod nato, dili gyod ta mausa. Sa laing bahin, pinaagi sa krus makagula ta sa atong kaugalingon ug makasulod sa pagkausa sa Tulo-usang Dios.

Aron maampingan ang pagkahiusa, magpabilin gyod ta sa pagtulon-an ug pakig-ambitay sa mga apostol. Nagpasabot kini nga likayan gyod nato ang pagbaton og laing mga pagtulon-an, nga magmugna og mga paglalisay imbis sa pamatigayon sa Dios. Dakong tinubdan sa mga pagbahinbahin ug pagkadaot sa iglesia ang laing mga pagtulon-an (1 Tim. 1:3-4, 6-7; 6:3-5, 20-21). Niingon si Witness Lee:

“Kon nanudlo tag mga butang nga lahi sa gihatagag gibug-aton sa Bag-ong Tugon, nanudlo na tag laing mga butang, ug maglisod ta nga tinuod gyong magkausa. Kon naa tay daghang nagkalainlaing pagtulon-an, daghan sab tag nagkalainlaing pagbuhat nga moresulta sa pagkabahin. Dili na gyod dayon ta magkahiusa, dili gyod mausa.” (Pagbansay sa Mga Anciano, Ikapitong Basahon: Pagkahiusa alang sa Lihok sa Ginoo, cap. 7)

Nag-ampo ta nga hayagan ta sa Ginoo nga makakita sa buhat sa kaaway sa pagbahin kanato. Maluwas unta ta sa bisan unsang pagkamabahinbahinon, aron mausa ta alang sa pagtukod sa Lawas ni Cristo.

Mga Kinutlo gikan sa Pagpangalagad

Pulong sa Gugma alang sa Mga Masigka-magbubuhat, Mga Anciano, Mga Nahigugma, ug Nagtinguha sa Ginoo, cap. 3

MAGBANTAY SA AMBISYON

Ning capituloha gusto nakong ipakig-ambit kaninyo ang pipila pa ka mahinungdanong butang. Una, magbantay gyod ta sa pipila ka butang. Sama kini sa mga lobo, mga leon nga nagngulob, ug tulin nga mga sakyanan sa dalan nga makadaot nato. Ang una mao ang ambisyon. Ang gisulat nako sa talamdan ning mensahea segun gyod sa personal nakong kasinatian. Wala ko magpasabot nga kamo ray naa ning mga negatibong butang ug wala kini nako. Nasinati sab nako kini. Kinsa may walay ambisyon? Diha sa buhat sa Ginoo, nangambisyon ta nga mahimong lider. Kon masigka-magbubuhat ka, gusto tingali ka nga mahimong lider. Kon dili ka man manumero uno, gusto gihapon tingali kang mag-“bise-presidente.” Bisan ang mga sister nga dunay kauban sa kwarto gusto man nga mahimong lider nila. Diha sa iglesia gusto tingali ka mahimong anciano, nangunang anciano man ngani, ang lider sa mga anciano.

Ikaduha, mangambisyon sab tingali ka nga manag-iyag dapit, distrito man ngani, para sa imong buhat. Kinsa may walay ingon niana nga ambisyon? Nag-uban ko ni Brother Nee, ug nakat-on ko niya. Wala gyod ko makakita nga nangambisyon siya nga manag-iyag dapit, usa ba ka distrito nga mahimong distrito o gamayng empiryo niya. Ang distrito ning bahina nagpasabot og gamayng empiryo. Gusto tingali ka mahimong emperador sa imong distrito, nga magkontrol ug magbuot sa tanan ug maminaw gyod nimo ang tanan. Kinsa may dili ingon niini? Ingon ko niini kaniadto, apan gibatokan ko sa Ginoo. Nangambisyon sab tingali ka nga mamihag og mga tawo aron mahimong kaugalingon nimong mga masigka-magbubuhat. Danihon, lumayon, ug bihagon tingali nimo sila alang ning tuyoa. Nagpasabot kini nga sa pagbuhat nimo diha sa pahiuli sa Ginoo duna kay pundok sa mga tawong suod kaayo nimo nga nabihag, nadani, ug nalumay nimo. Nakadayeg sila sa imong kahimoan ug kapasidad, busa nidapig sila nimo. Nahimo dayon silang kaugalingon nimong mga masigka-magbubuhat. Mga masigka-magbubuhat sila sa kinalapdan, apan kaugalingong mga masigka-magbubuhat sila sa usa ka tawo. Wala ka ba makaamgo nga naa kining sitwasyona sa pahiuli sa Ginoo? Nakita nako kini sa kasinatian gyod.

Sugod sa 1984 nagpatawag kog tulo ka dinaliang conferencia sa mga masigka-magbubuhat ug mga anciano. Sa pasiuna nakong pamulong gipakita nako nga sa atong taliwala dunay kalagmitan nga mabahin ta. Niini gipasabot nako nga dunay pipila ka makasarang nga mga masigka-magbubuhat sa pahiuli sa Ginoo nga gustong mahimong empiryo nila ang ilang mga distrito, ug gusto nilang danihon ang mga tawo nga mahimong kaugalingon nilang mga masigka-magbubuhat. Mga masigka-magbubuhat tang tanan sa kinalapdan, apan dunay nahimong kaugalingong mga masigka-magbubuhat sa mga tawong nagdani nila. Busa, gipasidan-an mo nakong tanan. Human sa akong pagpamulong, nitindog ang usa sa mga masigka-magbubuhat ug nisugid nga tinuod gyod kini. Apan niadtong panahona nabantayan nako nga dili kaayo kusganon ang iyang pagsugid. Huyang kaayo kini, ug karon nahimo siyang problema sa pahiuli sa Ginoo. Niingon gihapon siya nga naa siya sa pahiuli, ug nagbarog gihapon siya sa sukaranan sa dapit. Niingon siya nga iglesia lokal lagi ang iyang panagkatigom, ug nipahayag nga nausa siya ni Brother Lee. Gidawat niya ang akong pagpangalagad, ug nagsige gihapog palit sa mga basahon sa Living Stream Ministry bisan hangtod karon. Bag-o pa lang, nakigsulti siya nako hapit mag-usa ka oras aron magpatin-aw sa iyang baroganan. Giingnan nako siya nga gibati nako nga dili pa panahon sa Ginoo nga motubag ko niya niadtong higayona. Wala madugay, human sa dugang nga pagpamalandong uban sa Ginoo, gibati nako nga duna na koy tin-awng pulong ug panahon na sa Ginoo nga motubag ko. Gibati nako nga sultian siya, “Pagkabahinbahin ka, ug pagbahinbahin ang tanang gibuhat nimo sa inyong dapit kay gilain man ninyo ang inyong panagkatigom sa tanang kaiglesiahan sa pahiuli. Labot pa, ganahan kang mamisita sa mga masupilon ug modapig nila. Makaamgo unta ka nga usa ra ka Lawas ang tanang kaiglesiahan. Dili ka makabarog nga mag-inusara, nga maglain sa ubang kaiglesiahan. Kon maglain ka, pagkabahinbahin na ka.” Dunay mga taga-Corinto nga niingon, “Iya ko ni Pablo, ug iya ko ni Apolo, ug iya ko ni Cefas, ug iya ko ni Cristo” (1 Cor. 1:12). Gisaway sila ni Pablo tungod niini. Bisan pag moingon ka nga iya ka ni Cristo, pagkabahinbahin kana. Morag niingon si Pablo kanila, “Nabahin ba si Cristo? Nganong niingon man mo nga iya mo ni Pablo? Ayaw mo pagpasakop nako. Inyo ko, ug iya tang tanan ni Cristo.” Nagpakita ang 1 Corinto nga wala gyod untay mga kalainan sa atong taliwala. Walay iya ni Cefas, walay iya ni Apolo, walay iya ni Pablo, nga kinalabwang apostol, ug wala man nganiy iya ni Cristo nga naglain sa uban. Iya tang tanan ni Cristo, nga wala mabahin.

Ganahan gyong mamihag sa mga tawo ang hulog nga kinaiya nga dala sa pagkatawo nato. Kon dunay makabuhat alang sa Ginoo, ganahan tingali siyang mangdani sa mga tawo. Ganahan tingali siyang manglumay ug mamihag nila, ug kon molampos siya sa pagbihag kanila, mahimong mga sakop sa gamay niyang pundok ang mga nabihag niya. May purohan gyod nga naay ingon niini nga pundok sa pahiuli sa Ginoo. Kon duna kay higayon ug panahon, buhaton tingali nimo kini. Wala ka mobuhat niini kay wala man ka makahigayon, ug dili pabor ang kahimtang ug sitwasyon, apan kon makahigayon ka, malagmit nga buhaton nimo kini. Kini ang unang “natagong mangungutkot” nga makadaot sa pahiuli sa Ginoo. Nadaot na man ngani tingali ka niini. Naa tingali nimo kining lig-on kaayong natago nga “mangungutkot.” Giisip nako kini nga unang problema.

Pagbansay sa Mga Anciano, Ikanapulong Basahon: Ang Pagkaanciano ug ang Paaging Gitudlo-sa-Dios (2), cap. 1

ANG NATAGONG MABAHINBAHINONG MGA BUTANG KANIADTO

Kaniadto pa nagsugod ang kasamok diha nato karon, apan wala kaayo madayag ang pag-aslom o pagtubo sa levadura sa wala pa mag-1985. Nagpadayon kining pag-aslom sa nilabayng pila ka tuig ug nabutyag na sa bug-os karong tuiga (1989). Sa Agusto ning tuiga, ang mga brother nga nanguna sa kagubot karon nagsugod sa pagmantala og mantalaang ginganlag The Word and the Testimony sa dayag nga pagsupak sa pahiuli ug pagpangalagad sa Ginoo.

Sukad sa 1984 ngadto sa 1986 nagpatawag kog tulo ka dinaliang pagbansay sa mga anciano. Ang una gipahigayon sa Pebrero 1984, ang ikaduha sa Septembre 1985, ug ang kataposan sa Pebrero 1986 (tan-awa ang Pagbansay sa Mga Anciano, Basahon 1—8). Ang sinugdanang pamulong nako sa duha ning tulo ka pagbansay sa mga anciano may kalabotan sa peligro sa pagbahinbahin.

Ang Tinguha nga Mobuhat og Kapin nga Buhat diha sa Bugtong-talagsaong Buhat sa Pahiuli sa Ginoo

Naggikan sa mga butang nga natago kaniadto ang problema nato karon. Ang usa niini mao ang tinguha nga mobuhat og kapin nga buhat diha sa bugtong-talagsaong buhat sa pahiuli sa Ginoo. Naay piho gyong buhat diha sa pahiuli nga alang sa pagtukod sa mga iglesia lokal ngadto sa pagkatukod sa unibersohanong Lawas ni Cristo. Kini ang buhat. Apan diha nato, naay problema sa usa ka tawo nga gustong mobuhat og kapin nga buhat sulod sa buhat. Dili mobiya sa pahiuli o sa iglesiahanong kinabuhi ba kining tawhana. Namugos hinuon siya nga magkinaugalingog buhat og espesyal nga buhat, sa kaugalingon niyang kusog, sulod sa pahiuli. Mabahinbahinon kining butanga.

Ang Hilig nga Maglain Gyog Mga Teritoryo

Ang usa pa ka mabahinbahinong butang mao ang hilig nga maglain og mga teritoryo. Bugtong-talagsaon ang buhat ug lihok sa Ginoo nga maghuman sa walay kataposang pamatigayon sa Dios. Kon giisip nato nga espesyal natong teritoryo ang bisan unsang rehiyon nga giapilan nato sa bugtong-talagsaong buhat sa Ginoo, makaingon kini sa pagkabahin. Bisan ang hilig nga maglain og teritoryo ibton gyod nato. Magbuhat gyod ta alang sa Ginoo’nuffn sa gisukod Niya kanato (2 Cor. 10:13-16), apan dili gyod ta maghunahuna nga kaugalingon natong teritoryo ang gisukod Niya kanato. Alang gyod unta sa unibersohanong Lawas sa Ginoo ang lokal nga buhat nato sa atong rehiyon. Dili nato makita sa Bag-ong Tugon ang ingon niana nga ginsakopan sa buhat sa Ginoo.

Ang Batasan nga Dili Isagol ang Buhat Nato sa Buhat sa Uban

Kaniadto naay natagong pagbuhat sa batasan nga dili isagol ang buhat nato sa buhat sa uban. Gipadayag sa Bag-ong Tugon nga ang buhat ni Pedro alang sa Ginoo, nga labi gyong naa sa yuta sa mga Judio, ug ang buhat ni Pablo, nga labi gyong naa sa kalibotan sa mga Gentil, alang tanan sa usa ka Lawas ni Cristo, nga walay kalainan o panagbulag ba. Usa ra hinuon sila sa pagtuman sa pamatigayon sa Dios sa Bag-ong Tugon. Naila didto sa Corinto ang epekto sa buhat ni Pedro (1 Cor. 1:12), ug niadto si Pablo sa Jerusalem aron makig-ambitay sa mga apostol ug mga anciano didto (Buh. 15:2, 4; 21:17-20). Kining pakig-ambitaya, sama sa sirkulasyon sa dugo sa pisikal natong lawas, nitabang sa Lawas ni Cristo sa sirkulasyon sa diosnong kinabuhi. Gisagol niini ang nagkalainlaing bahin sa buhat nato alang sa pahiuli sa Ginoo nga ma-usa ka lihok. Kon walay ingon niini nga pakig-ambitay ang buhat nato, basin maugmad kini nga usa pa ka hinungdan sa pagkabahin.

Ang Tago nga Paglaom nga Mainilang Tawo diha sa Buhat Ginoo

Naay natago sab nga paglaom nga mainilang tawo diha sa buhat sa Ginoo. Dili ta makalimod nga naa nato kining ambisyon nga “mangungutkot.” Kon ambisyoso ka ug naay kapasidad, mosanta tingali sa imong ambisyon ang imong kapasidad, ug wala ra unyay problema. Ang problema diha nato karon kay pipila ka brother dunay ambisyon apan walay kapasidad. Problema gyod kanang ambisyon unya walay kapasidad.

Kon naay kapasidad ang tanang brother nga ambisyoso, mahimong lamyon’emng kapasidad ang kangil-ad’emng ambisyon. Apan kon naa silay ambisyon unya walay kapasidad alang’emng ambisyon, maghimo kini nilang mga tawong nangundang. Kon nagtinguha ka nga mainilang tawo ug naa kay kapasidad, mahimo tingali kang ingon niana nga tawo. Kon matabangan nimo ang tanang iglesia, ug maminaw silang tanan nimo, mainila tingali ka. Apan kon wala kay kapasidad unya gusto kang mainila, maggikan niini ang problema.

Makita nato ang kalainan sa kapasidad nila ni Bernabe ug Pablo sa Mga Buhat. Gigamit sa Ginoo si Bernabe sa pagpasulod ni Saulo, nga nahimong Pablo, sa pagpangalagad (9:26-27; 11:22-26). Labot pa, unang gihisgotan ang ngalan ni Bernabe sa Mga Buhat 13 sa pagrekord sa lista sa mga propeta ug mga magtutudlo sa Antioquia ug sa paggahin sa Espiritu kang Bernabe ug Saulo alang sa buhat. Wala madugay sa nakalakaw na sila, nitumaw ang kalabot sa kapasidad. Sa pagsugod sa panaw, si Bernabe ang kanunay nga unang gihisgotan (vv. 2, 7); unya ang ngalan na ni Pablo ang unang gihisgotan (vv. 9, 13, 16, 46, 50). Unang gihisgotan ang ngalan ni Pablo kay mas dako man ang kapasidad niya sa kang Bernabe sa pagtagbo sa panginahanglan niadtong panahona, ug sa kapulihay nahimo siyang nangunang mamumulong (14:12). Si Pablo na ang nanguna sa panaw nila kay mas dako man siyag kapasidad. Wala ni Bernabe ang kapasidad nga naa ni Pablo. Sa ngadto-ngadto, nagsulat si Pablo og napulog upat ka Sulat. Kinsa may makapamulong og sama kadaghan, sama kalalom, o sama kahabog sa pagpamulong ni Pablo? Sa tanang tagsulat sa Bag-ong Tugon, si Pablo ray nigamit sa pamulong ang Lawas ni Cristo. Wala mogamit ning pamulonga o sa pulong pamatigayon ang ubang tagsulat, kay dili man sama kadako sa kapasidad ni Pablo ang kapasidad nila.

Sa pagpamauli nila ni Pablo ug Bernabe sa Antioquia gikan sa panaw nila, nitumaw ang dakong problema kalabot sa sirkunsisyon, ug gipadala sila sa iglesia sa Antioquia sa Jerusalem aron makig-ambitay para masulbad ang problema (Buh. 15:1-3). Sa nasulbad na ang problema sa sirkunsisyon ug namauli sila gikan sa Jerusalem ngadto sa Antioquia, gusto na sab silang mopanaw (v. 36). Ning tungora gustong dad-on ni Bernabe sa pagpanaw ang ig-agaw niya, nga si Juan Marcos (v. 37; Col. 4:10). Apan dili mosugot si Pablo nga paubanon si Marcos, kay nibiya man kini nila sa una nilang pagpanaw (Buh. 13:13 ug nota). Ang tinguha ni Bernabe nga paubanon si Marcos uyon ra gyod sa kaugalingon niyang pagbati. Mao nga nagbulag sila ni Pablo (15:39). Sukad niadto, bisan namisita tingali si Bernabe sa kaiglesiahan, wala na ang iyang pagpangalagad kon ang balaang rekord sa Mga Buhat ang hisgotan.

Sa akong pagsabot, labi gyong gumikan sa duha ka punto ang problema tali nila ni Pablo ug Bernabe. Una, naay natago tingali nga kasubo si Bernabe sa sulod niya, kay siya may nanguna sa sinugdan ug si Pablo na may nanguna sa ulahi kay mas gamay mag kapasidad si Bernabe. Dili kini lalim dag-on. Kon nalipay pa si Bernabe ning hitaboa, dakong kaluoy unta kadto kaniya. Ikaduha, segun sa rekord sa Mga Buhat 15, wala magsunod si Bernabe og hustong prinsipyo sa pagpauban ni Juan Marcos kaniya. Morag gibuhat niya kini tungod lang sa personal niyang pagbati bahin sa iyang ig-agaw. Nakalapas kini sa espirituhanong prinsipyo. Nagpasakop unta si Bernabe sa gigawi ni Pablo nga dili paubanon si Juan Marcos aron makat-on kini sa pagtulon-an. Imbis magpasakop ni Pablo, nagkinaugalingon hinuog lakaw si Bernabe, mao nga nagkabulag sila ni Pablo. Mas dakog kapasidad si Pablo kay ni Bernabe, ug tungod niini, sa kapulihay siya maoy nanguna sa pagpangalagad.

Sa kapin sa 25 ka tuig nako ning nasora, wala gyod ko moingon sa mga tawo nga apostol ko. Apan ning nilabayng pila ka tuig, pipila ka brother ang naghisgot kalabot sa mga apostol ug niingon nga dili usa, kondili daghan, ang apostol sa atong taliwala. Makauulaw kini! Sa tigom sa iglesia sa Anaheim sa Agusto 28, 1988, usa sa napulog unom ka punto bahin sa baroganan sa iglesia sa Anaheim, usa ka puntong gipadayag sa usa ka brother, mao nga naay daghang apostol sa atong taliwala karon, dili usa ra. Niingon siya nga mohatag siyag listahan ning mga apostola kang bisan kinsang balaan nga interesado niini. Nangayo ang usa ka brother ug nakadawat nianang listahana gikan niadtong brothera. Pito ka ngalan ang gilakip niadtong listahana, nga naay question mark (?) sa usa ka ngalan, ug wala kini maglakip sa ngalan sa brother nga naghatag sa listahan.

Wala madugay human mabalitaan nako ang kalabot sa listahan, niadto ko sa Taipei, ug nagmensahe didto bahin sa tulo ka nagkalainlaing matang nga apostol (tan-awa ang A Timely Trumpeting and the Present Need, ch. 2). Pulos naa sa akong pagpangalagad ang pito ka brother sa listahan. Subay sa kamatuoran kalabot sa mga matang sa apostol, maghimo kini nilang mga apostol sama nila ni Timoteo, Tito, ug Silas, nga gipalugwa sa mga apostol nga personal gyong gitudlo sa Ginoo. Human ikamantala kining mensahea, nigula ang usa pa ka pamulong nga wala kunoy mga apostol karon. Sama ra kini sa gitudlo ni John Nelson Darby. Pagkataudtaod, naa na poy nagsulti nga napulog duha ra ang mga apostol—ang napulog usa, nga gipili ni Ginoong Jesus, ug si Pablo. Giingon niini nga sayop ang pagpili kang Matias pinaagig ripa sa Mga Buhat 1. Apan matod pa sa Biblia, sa dihang nitindog si Pedro sa adlaw sa Pentecostes (2:14), nitindog siya uban sa napulog usa, nga naglakip ni Matias.

Gibasi kining pamulonga sa makaayo lang sa mamumulong ug dili sa sukdanan sa kamatuoran. Sukaranong problema kini.

Ang Kawalay Pagtagad kalabot sa Pag-amping sa Pagkahiusa diha sa Pahiuli sa Ginoo

Ang usa pa ka dakong mabahinbahinong butang kaniadto mao ang kawalay pagtagad kalabot sa pag-amping sa pagkahiusa diha sa pahiuli sa Ginoo. Sa pagbansay sa mga anciano sa Pebrero, 1986, ang luwan nako mao ang pagpaatiman sa mga anciano sa pagkahiusa diha sa pahiuli sa Ginoo. Kapin sa upat ka gatos ka brother ang nipirmag sulat nga gisulat para nako, nga nagpasalig nako nga maningkamot sila sa pag-amping sa pagkahiusa (tan-awa ang Pagbansay sa Mga Anciano, Ikawalong Basahon: Ang Pulso-sa-Kinabuhi sa Kasamtangang Lihok sa Ginoo, cap. 10). Apan sa niaging tulo ka tuig nga pagsupil, gisaway sa pipila ka brother kadtong sulata ug niingon man ngani nga erehison ang usa ka bahin niadto. Nisulat ang duha kanila aron sultian ko nga kuhaon nila ang ilang pirma niadtong sulata. Nagpakita kini nga dili ngani wala sila matin-awi sa tinuod nga kahulogan sa pagkahiusa, gitamay nila kini.

Ang mga hinungdan sa pagkabahin nga gihisgotan dinhi nga natago kaniadto lig-ong pamatuod sa kawalay pagtagad bahin sa pag-amping sa pagkahiusa diha sa pahiuli sa Ginoo. Ang kagubot diha nato karon dili man kalabot sa husto o sayop, kondili lugwa ug hingpit nga pagpadayag ning kawalay pagtagad. Niuswag kining pagpadayaga hangtod nga dunay pipila sa mga masupilon nga tino gyong niingon sa mga tawo nga makigbisog sila hangtod matumba ko. Lig-on kining nagpakita nga dili sila magtagad sa pagkahiusa. Natagong hinungdan sa pagkabahin gyod kini.

Wala man maugmad sa usa lang ka adlaw ang kagubot diha nato karon. Matigom ang yelo sa suba sa usa ka panahon sa dili pa kini mabaga nga pila ka pies. Maingon man sab, sa sitwasyon nato naay natigom nga mga butang nga dili makalipay sa pila na ka tuig. Sa sinugdan wala ko makaamgo kalabot sa unsang pagsupak o pagsaway, kay bisi man ko sa Taipei. Apan sa pag-uli nako sa Disyembre 1987 ug naa nay gipangayo ang mga brother segun’emng plano, nakaamgo dayon ko nga naa gyoy sayop kaayo. Ang tinuod, ang plano nila mao ang daotan nilang laraw.

Sa prinsipyo, maggikan sa duha ka gigikanan ang kagubot ug mga problema diha sa katawhan sa Ginoo—sa tawo ug ni Satanas. Sa nakapaniid ug nakahunahuna na ko sa sitwasyon diha nato sa nilabay nga kapin sa tulo ka tuig, nagtuo ko nga gipasiugdahan kining kagubota ni Satanas, sa daotan, sa kaaway (Mat. 13:19, 28). Gikan kini sa ginsakpan sa kangitngitan aron sa paglaglag sa pagpangalagad ug pagsira sa pultahan sa bag-ong paagi. Gidumtan ni Satanas ang pagpangalagad, ug gidumtan sab niya ang bag-ong paagi. Ang pagpangalagad pinaagi sa bag-ong paagi maoy dakong babag sa daotang plano sa kaaway, mao nga kusganon gyong nilihok si Satanas ug ang daotang mga espiritu aron mobuhat. Resulta niini, dunay mga brother nga nabihag ug gigamit sa daotang mga espiritu sa pagbuhat og mga butang nga dili gyod makataronganon ug dili tinawhanon. Gisultian nila ang mga tawo nga tigulang na ko, dili na tin-awng makahukom sa mga butang. Bakak kini. Lig-ong nagpakita kanang mga butanga nga gikan sa yawa kining kagubota.

Apan, bisan pa sa kagubot, tungod sa kaluoy ug grasya sa Ginoo, kadaghanan sa mga iglesia sa tibuok kalibotan positibo gihapong nagpadayon. Makadasig kaayo ang mga taho sa sitwasyon nila karon nga gitaho’emng mga anciano nga nanambong sa mga tigom sa mga anciano.